Информацион рауагъд «Абон». 26.08.2017

26 августы Паддзахад Алании нысан кӕны йӕ сӕйрагдӕр бӕрӕгбонтӕй сӕ иу ― Хӕдбардзинад банымайыны бон. Фараст азы размӕ 2008-ӕм азы августы мӕйы Уӕрӕсейы Федераци, уый фӕстӕ та дунейы ӕндӕр паддзахадтӕ банымадтой Хуссар Ирыстоны хӕдбардзинад. Уый у нӕ адӕмы туг ӕмӕ цӕстыты сыгӕй ӕлхӕд сӕрибардзинад. Цал ӕмӕ цал фӕлтӕры бӕллыдысты ацы бонмӕ, цал хъӕбатыр фырты ӕрхастой сӕ сӕртӕ нывондӕн ацы стыр нысаны сӕраппонд. Ныр абон мах цӕрӕм ӕмӕ нӕ кӕстӕрты хъомыл кӕнӕм сабыр арвы бын. Уый та сӕйраджыдӕр у Уӕрӕсейы ӕххуысы фӕрцы ӕмӕ уымӕн хъӕуы аргъ кӕнын.
Рацӕудзӕнис рӕстӕг, фӕлӕ никуы ферох уыдзӕнис фӕлтӕртӕй абоны бӕрӕгбоны егъау нысаниуӕг. 2008 азы 26 августы нӕ адӕм кӕд нырма хӕстӕй фӕллад уыдысты, уӕддӕр сӕхицӕн сарӕзтой ӕцӕг бӕрӕгбон.

Share on Facebook
Вы можете оставить комментарий, или ссылку на Ваш сайт.

Оставить комментарий