Новости
Общество

Ансамбль « Ирон»-ӕн уагъд ӕрцыд хыгъдон концерт

Цхинвалы уагъд ӕрцыд сывӕллӕтты кафты ансамбль «Ирон»-ы концерт. Сценӕмӕкӕсджытӕн ӕвзонг кафджытӕ равдыстой ног номыртӕ. Ансамблы 10 хореографион номыры, хайад истой сӕдӕ кафӕгӕй фылдӕр ӕмӕ ирд тӕлмӕнтӕ ныууагътой ӕрӕмбырдуӕвджытыл. Алы номыры фӕстӕ дӕр хъуыст къухӕмдзӕгъд. Цымыдисон, хицӕнтӕ се ӕвӕрд ӕмӕ стильмӕ гӕсгӕ –ахӕм уыдысты ансамблы кӕстӕр сконд цы кӕфтытӕ сыххӕст кодта, уыдон. Чысыл кафджыты арӕхстдзинад фӕцыд сценӕмӕкӕсджыты зӕрдӕмӕ.

 

22.06.2019