Новости
Общество

Ансамбль Симды скондмӕ бахаудзысты республикӕйы иууыл цӕттӕдӕр артисттӕ

Нӕ республикӕмӕ ӕрцыдысты зынгонд хореографтӕ. Уыдон ӕхсӕн УФ-йы кафты ансамбль «Ритмы планеты»-йы къухдариуӕггӕнӕг, Уӕрӕсейы адӕмон артист, академик Борис Санкин, Уӕрӕсӕйы Махмуд Эсамбаевы номыл аивӕдты скъолайы къухдариуӕггӕнӕг, Уӕрӕсейы адӕмон артист Докку Мальцагов, Татарстаны кафт ӕмӕ зарды паддзахадон ансамблы къухдариууӕггӕнӕг Айрад Хамедов, Цӕгат Ирыстон Аланийы адӕмон артисттӕ Касаты Галина ӕмӕ Тайсауты Олег. Зынгонд хореографтӕ 2 боны дӕргъы аттестаци уагътой паддзахадон ансамбль «Симд»-ы солисттӕн, цӕмӕй сбӕрӕг кӕной иууыл хуыздӕр кафджыты. Банысангонд ӕрцыд, зӕгъгӕ, цӕмӕй ансамбль ногӕй ирон культурӕ бӕрзонд ӕмвӕзадыл ӕвдиса, уый тыххӕй кӕцы артистты равзӕрстой, уыдон хъуамӕ ӕппыныдзух сӕхиуыл кусой. Хореограф Борис Санкин куыд загъта, уымӕ гӕсгӕ хуссарирыстойнаг кафджытӕн ис хорз аивадон понтенциал ӕмӕ сын хъӕуы баххуысс кӕнын бӕрзондддӕр ӕмвӕзадмӕ схизынӕн. Уый тыххӕй та сӕ фыццаджы дӕр хъӕуы профессионалон ахуыргӕнӕг.

 

17.08.2019