Новости
Общество

Ауагъдӕуыд акци «Спасибо русскому солдату»

Акцийы хайад райсын йӕ бон уыд алкӕмӕн дӕр. Æрбамбырд бирӕ сывӕллӕттӕ, уыдон сӕ къухтӕм райстой ахорӕнтӕ ӕмӕ ныв кодтой 2008 азы хӕсты рӕстӕджы ирон лӕппуты фарсмӕ цы уырыссаг хӕстонтӕ ӕрбалӕууыдысты, уыдоны. Иууылдӕр рауадысты ирд, сывӕллӕттӕ сӕ нывты равдыстой сабыр цард, уырыссаг ӕмӕ ирон ӕфсӕддонты, кӕцытӕ абоны бон дӕр хъӕхъхъӕнынц Ирыстоны сабырдзинад ӕмӕ кӕстӕр фӕлтӕр рӕзынц сыгъдӕг арвы бын. Мадзалмӕ ӕрбацыдысты культурӕйы министры хӕдивӕг Дзеранты Джульетта, УФ-йы Хуссар Ирыстоны минӕварады кусджытӕ ӕмӕ "Росструдничество"-йы минӕвӕрттӕ. Акцийы хайадисджыты куыстытӕн аргъ кодтой культурӕйы министры хӕдивӕг Дзеранты Джульетта ӕмӕ сывӕллӕтты нывкӕныны скъолайы директор Æлботрты Æхсӕртӕг. Сывӕллӕттӕ се `ппӕт дӕр хорзӕхджын ӕрцыдысты грамотатӕ ӕмӕ зӕрдылдарӕн лӕвӕрттӕй.

31.08.2019