Новости
Общество

Бӕрӕгбоны цытӕн нӕ фӕсивӕды иу къорд хайад райста Цхинвалӕй-Рукъмӕ велопробегы

 

Нӕ республикайы Хӕдбардзинад банымайыны Боны цытӕн нӕ ӕмбӕстӕгты иу къорд сфӕнд кодтой велопробег сорганизаци кӕнын. Уыдон абон райсомӕй ӕрымбырд сты Театралон фӕзуаты ӕмӕ организацион ӕгъдауӕй ацыдысты Ручъы хохы ӕрдӕм. ӕнцон цӕуӕн нӕу 60 километры фӕндаг, уымӕй дӕр хӕрдтӕ ӕмӕ уырдгуыты, фӕлӕ балцыцӕуджытӕн сӕ фылдӕр бахӕццӕ сты бынатмӕ. Фӕндагыл уыдон ӕххуыс кодтой сӕ кӕрӕдзийӕн ӕмӕ афтӕмӕй та ӕнцондӕр у нысанмӕ цӕуын. Бынатмӕ фыццаг бахӕццӕ иууыл ӕвзонгдӕр велоскъӕрӕг Хуыбылты Азӕмӕт. Кӕд ӕмӕ велоалыгъды хайадисджытӕ бафӕлладысты, уӕддӕр уыдысты хъӕлдзӕг ӕмӕ радысты сӕ уӕлахизыл. Уымӕйдӕр сыл сӕ иувӕрсты цӕуӕг автомобилисттӕ ӕмбӕлдысты сигналимӕ, арфӕтӕ сын кодтой.

24.08.2019