Дзауы поселочы райдыдта Милицийы сӕрмагонд нысаниуӕджы къорды раздӕры командир, Советон Цӕдисы спорты дӕсны, Райгуырӕн бӕстӕйы хъахъхъӕнӕг Сиукъаты Таймуразы номарӕн турнир хъӕбысхӕстӕй. Абон уал ерыстӕ райдыдтой самбойӕ. Хайад сӕ исынц куыд Хуссар, афтӕ Цӕгат Ирыстон Аланийы ӕвзонг спортсментӕ. Майдантыл тох кӕнынц Цхинвал, Дзауы районы, Дзӕуджыхъӕу, Знауыры район ӕмӕ Горӕтгӕрон районы минӕвӕрттӕ. Турниры, призтыл тох кодтой чызджытӕ дӕр. Ерысты официалонӕй байгом кӕныны церемонийы ӕрӕмбырдуӕвджытӕн раарфӕ кодта Дзауы районы админист рацийы сӕргълӕууӕг Джиоты Андрей.