Новости
Общество

Гуырдзыстон искӕй цӕсты ӕрду уыны. Йӕхи цӕсты та къала бӕлас дӕр нӕ уыны

Гуырдзыстон дарддӕр дӕр архайы алыгъуызон амӕлттӕй, цӕмӕй дунейы раз нӕ республикӕйы фӕзылынджын кӕна. Ацы фӕдыздӕхӕны кусынц сӕ дзыллон информацион фӕрӕзтӕ дӕр. Кӕд ӕмӕ бирӕ азты дӕргьы Гуырдзыстон Хуссар Ирыстонмӕ ницыуал бар дары, уӕддӕр сын зын у сӕхицӕн ӕй бауырнын ӕмӕ бамбарын, мах ӕрмӕстдӕр сыхӕгтӕ кӕй стӕм, уый. ӕниу сӕ бар сӕхи, фӕлӕ аразынц ахӕм провокацитӕ ӕмӕ мах дӕр сӕр бахъӕуы, цӕмӕй сын аккаг дзуапп раттӕм. Фӕнды нӕ иу темӕйыл ӕрдзурын. Гуырдзыстоны телеканалтӕ ӕмӕ ӕндӕр дзыллон информацион фӕрӕзтӕ ӕз фӕраздӕронӕй хъӕр кӕнынц ӕрӕджы Хуссар Ирыстоны ахӕстоны цы инцидент ӕрцыд, ууыл. Ома, Ирыстоны зӕххыл дӕр уагӕвӕрд хъуамӕ ӕвӕрой уыдон. Нӕ ахӕстӕтты чи ис, нӕ рынчындӕтты чи ис, ӕмӕ ӕндӕр уагдӕтты уыдоныл сӕ зӕрдӕ махӕй тынгдӕр риссы. ӕвӕццӕгӕн нӕ фӕлмӕн зӕрдӕ сыхӕгты ферох 2008 азы нын алыгъуызон ӕхсӕнгарзӕй кӕй ӕхстой ӕмӕ пырх кодтой нӕ ахӕстон дӕр, нӕ рынчындон дӕр ӕмӕ ма нӕ сабиты цӕхӕрадӕттӕ дӕр .

26.10.2019