Новости
Общество

Ногӕй та уӕлахизимӕ

Ансамбль «Ирон» ӕнтысджынӕй йӕхи равдыста Сочӕйы фестивалы. ӕвзонг артисттӕ фӕстӕмӕ куы раздӕхтысты, уӕд сыл сӕмбӕлд Цхинвалы администрацийы къухдариуӕгад. Ансамбль «Ирон» хореографийӕ уӕлӕхиздзау ссис 18-ӕм ӕхсӕнадӕмон олимпиадӕйы. Олимпиадӕ «Красота и доброта спасут МИР» уагъд ӕрцыд 14-18 сентябры горӕт Сочӕйы. Хайад дзы райстой Цӕгат Кавказы регионты минӕвӕрттӕ иууылдӕр, уыдон нымӕцы хуссарирыстойнаг ансамблЬ «Ирон». Уыдон акодтой дыууӕ кафты - «Симд» ӕмӕ «Хӕххон» ӕмӕ сыл фӕстӕмӕ здӕхгӕйӕ ӕмбӕлдысты ирон ӕгъдаумӕ гӕсгӕ, ӕртӕ уӕливых ӕмӕ бӕгӕныйы кӕхцимӕ. Горӕт Цхинвалы администрацийы сӕргълӕууӕг Коцты Алан сын загъта арфӕйы ныхӕстӕ.

 

23.09.2019