Новости

Санкт-Петербурджы уагъд цыд дунейы чемпионат ӕмбуар хӕстӕй

Хуссар Ирыстоны минӕвӕрттӕ  ӕмбуар  хӕстӕй дунейы  чемпионтӕй  ӕрздӕхтысты сызгъӕрин  ӕмӕ ӕвзист  мйдантимӕ.  Чемпионат уагъд цыд  Санкт- Петербурджы.Турниры сызгъӕрин майдан рамбылдта Хуссар Ирыстоны  ӕддагон  развӕдсгарынады  службӕйы  къухдариуӕггӕнӕг, инӕлар- майонр Уарзиаты Алексей. Афтӕмӕй уый  ссис, ӕмбуар хӕстӕй  Хуссар Ирыстонӕй фыццаг чемпион. ӕвзист  майдан  та рамбылдта  милицийы  сӕрмагонд нысаниуӕджы  къорды  командир  Джиоты  Владимир. Хуссар Ирыстойнаг спортсментӕ ма  ноджы дӕр  рамбылдтой  ӕртӕ  бронзӕ  майданы. Ерыстӕм бацӕттӕ  кӕнынмӕ нын  кӕд фаг рӕстӕг нӕ уыд, уӕддӕр уымӕ нӕ кӕсгӕйӕ, Хуссар Ирыстоны  минӕвӕрттӕ  равдыстой хорз фӕстиуджытӕ- банысан кодта Уарзиаты Алексей.
 

 

08.06.2019